Plantun de Prouvènço

Pèr coumpara dos planto d'encò nostre

Chrozophora tinctoria & Logfia gallica

Chrozophora tinctoria

Euphorbiaceae

Noms en français : Tournesol des teinturiers, Croton des teinturiers.

Descripcioun :
La maurello es uno Euphorbiaceae que douno d'èr pulèu à l'erbo-di-toro, Heliotropium europaeum, subretout que trachis dins li champ e flouris peréu à la fin de l'estiéu. Li flour masclo e femello soun desseparado. Se recounèis à si fru en boulo, cubert de berrugo e à si péu estela (fotò).

Usanço :
Emé la planto se fasié la tenchuro de viro-soulèu que servié à l'Age-Mejan à l'enluminamen di libre e tambèn pèr acoulouri lou manja. D'efèt chanjo de coulour, passo de blu à rouge, quouro lou mitan es acide (pèr acò se boutié li boursèu dins la pisso). Acò se retrobo dins lou papié Tournesol qu'utiliso la chimìo.

Port : Erbo
Taio : 10 à 40 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Chrozophora
Famiho : Euphorbiaceae

Coulour de la flour : Jauno
Petalo : ges
Ø (o loungour) flour : 2 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Champ - Camin
Estànci : Termoumediterran à Mesoumediterran
Couroulougi : Mediterranenco-Touranieno
Ref. sc. : Chrozophora tinctoria (L.) A.Juss., 1824

Coutounado(-de-Franço)

Logfia gallica

Asteraceae Compositae

Nom en français : Cotonnière de France.

Descripcioun :
La coutounado-de-Franço, pichoto planto de l'an ramificado, trachis dins li tepiero secarouso e séusouso. Flouris tre lou mes de mai. Lou gènre Logfia se destrìo de Filago que s'atrobo uno gibo à la baso di bratèio dóu deforo. Aquésti lóngui bratèio que despasson proun lis enflourejado permeton de la recounèisse eisa dis àutri coutounado .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 40 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Logfia
Famiho : Asteraceae
Famiho classico : Compositae
Tribu : Gnaphalieae
Ordre : Asterales

Coulour de la flour : Jauno
Petalo : >6
Ø (o loungour) flour : 3 à 5 mm
Flourido : Printèms

Sòu : Si
Autour basso e auto : 0 à 1800 m
Aparado : Noun
Mai à setèmbre

Liò : Tepiero seco
Estànci : Termoumediterran à Mesoumediterran
Couroulougi : Eurimediterrano
Ref. sc. : Logfia gallica (L.) Coss. & Germ., 1843 (= Filago gallica (C.Presl) Rouy )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Chrozophora tinctoria & Logfia gallica

ges

Coumpara Maurello emé uno autro planto

Coumpara Coutounado(-de-Franço) emé uno autro planto